Vlerat e mbajtjes (peshat) dhe fushat e përdorimit të dhëna mbi paketim janë vetëm vlera orientuese. Ato mund të ndikohen negativisht në varësi të shkallës së montimit të saktë profesional, cilësisë së materialit të ndërtimit në të cilin do të kryhet montimi, përpunimit dhe kushteve të mjedisit, gjë që mund të shkaktojë lëndime të personave dhe dëme materiale. Në rast dyshimi, lëreni montimin të kryhet nga një person i specializuar.

Vlerat e mbajtjes (peshat) janë përcaktuar nga fischer në kushte optimale, si përgatitja dhe pastrimi i vrimës, montimi i saktë dhe vidosja më e mirë e mundshme në materiale ndërtimi të paprekura dhe të afta mbajtëse, si dhe në kushte normale mjedisi.
Për të dhëna të tjera specifike për produktet ju referojmë te miratimet dhe tabelat e detajuara të peshave me shënimet shpjeguese për produktet përkatëse në katalogun tonë.


Materiali në të cilin montohet elementi është vendimtar për peshën që mund të mbajnë upat. Simbolet e materialeve tregojnë se për cilat grupe materialesh mund të përdoret upa. Peshat përkatëse janë peshat maksimale të këshilluara në materialin përkatës.
Nëse tregohen disa materiale të kombinuara, atëherë tregohet pesha për materialin më të dobët.











Pesha e dhënë mbi paketim vlen vetëm për një pikë montimi (upë individuale) dhe paraqet vlerën më të vogël nga pesha në tërheqje dhe pesha tërthore.
Shembull:
Pesha në tërheqje 15 kg (150 N)
Pesha tërthore 25 kg (250 N)
–––––––––––––––––––––––––––
Të dhënat e peshës mbi paketim 15 kg (150 N)

Nëse në rastin e aplikimit bëhet fjalë për grupe upash (grupe me 2, 4 upa etj.), aftësia mbajtëse e produkteve duhet të trajtohet ndryshe. Në raste dyshimi ju këshillojmë të konsultoheni me një specialist (shihni më poshtë mundësitë e mbështetjes).

Fiksimet me shtresa boshe duhet të shmangen, përkatësisht në to duhet vepruar me kujdes të veçantë. Në rast dyshimi ju këshillojmë të konsultoheni me një specialist (shihni më poshtë mundësitë e mbështetjes).

Produktet fischer pa miratim janë parashikuar për ngarkesa statike në qetësi.
Shënim për temperaturën:
në bazament të thatë për temperatura deri në + 24°C (përkatësisht për kohë të shkurtër deri në +40°C)
